လူတစ်ယောက်ရဲ့တန်ဖိုး

လူတစ်ယောက်ဟာ ဘယ်လောက်များတန်ဖိုးရှိပါသလဲ... ဒါကိုတိုင်းတာဖို့ အမေရိကန်နဲ့ ဂျပန်ပညာရှင်တွေကြိုးစားခဲ့ကြဖူးပါတယ်.... 

U.S. Bureau of Chemistry and Soils ကနေ လူရဲ့ ကိုယ်ခန္ဓာမှာပါဝင်တဲ့ ဓာတုဗေဒနဲ့ ဓာတ်သတ္တုပစ္စည်းတွေကို ခွဲခြမ်းစိတ်ဖြာလိုက်တဲ့အခါမှာ Oxygen 65% ၊ Carbon 18% ၊ Hydrogen 10% ၊ Nitrogen 3% ၊ Calcium 1.5% ၊ Phosphorous 1% ၊ Potassium 0.35% ၊ Sulfur 0.25% ၊ Sodium 0.15% ၊ Chlorine 0.15% ၊ Magnesium 0.05% ၊ Iron 0.0004% ၊ Iodine 0.00004% တို့ပါဝင်ကြကြောင်းတွေ့ရှိခဲ့ရပါတယ်.. ဒါ့အပြင် fluorine ၊ silicon ၊ manganese ၊ zinc ၊ copper ၊ aluminum နဲ့ arsenic တို့လည်း အနည်းငယ်စီပါဝင်ပါတယ်... ဒီပမာဏအကုန်လုံးကိုပေါင်းလိုက်မယ်ဆိုရင် တန်ဖိုးက တစ်ဒေါ်လာအောက်မှာပဲရှိပါတယ်...လူရဲ့တန်ဖိုးအရှိဆုံးအပိုင်းကတော့ အရေပြားပါပဲ.. ဂျပန်တွေက အဲ့ဒါကိုတွက်ချက်တိုင်းတာဖို့ အချိန်ကော ငွေကောအကုန်ခံခဲ့ကြပါတယ်... တိုကျိုမှာရှိတဲ့ Imperial State Institute for Nutrition ကနေ သုတေသနပြုလုပ်တိုင်းတာချက်အရ လူတစ်ယောက်ရဲ့အရေပြားတန်ဖိုးဟာ ပျမ်းမျှ 3.5 ဒေါ်လာပဲရှိပါတယ်... ဒါကြောင့် ကိုယ်ခန္ဓာထဲမှာပါတဲ့ ဓာတ်သတ္တုတွေရယ် အရေပြားရယ်ပေါင်းလိုက်ရင် လူတစ်ယောက်ရဲ့ တန်ဖိုးဟာ 4.5 ဒေါ်လာပဲရှိပါတယ်..

ဒီနေရာမှာ တန်ဖိုးဆိုတာပါလာပါပြီ... လူတစ်ယောက်ရဲ့တန်ဖိုးဟာ ခုနကပြောခဲ့တဲ့ ခန္ဓာကြီးပေါ်မှာလည်းမတည်မီပါဘူး... ဒီခန္ဓာကိုယ်ကြီးတစ်ခုလုံးရဲ့တန်ဖိုးကိုတွက်လိုက်ရင်လည်း အပေါ်မှာဆိုခဲ့သလို 4.5 ဒေါ်လာလောက်ပဲရှိပါတယ်.... အဲ့ဒီတော့ တန်ဖိုးကို ဘယ်လိုသတ်မှတ်ကြတာလဲ..... ကျွန်တော်တို့ပတ်ဝန်းကျင်မှာ မကြာမကြာကြားနေရတဲ့စကားတွေရှိပါတယ်... "တန်ဖိုးရှိအောင်နေ..." "တန်ဖိုးရှိတဲ့ လူတစ်ယောက်ဖြစ်အောင်လုပ်..." "ကိုဘယ်သူတို့များကံကောင်းလိုက်တာ အဖိုးတန်တဲ့သားသမီးတွေရထားတယ်..." စသဖြင့်ပေါ့.... ဒါဆိုရင် စဉ်းစားစရာက တန်ဖိုးကိုဘာနဲ့ တိုင်းတာသတ်မှတ်ကြတာလဲ.... ငွေရေးကြေးရေးအရလား... ဒါလည်းမဟုတ်သေးပါဘူး... "သူကပိုက်ဆံသာရှိတာလေ.... ဘာမှအဖိုးတန်တဲ့ကောင်မဟုတ်ဘူး..." အဲ့လိုလည်းပြောကြတယ်... အဲ့တော့ ငွေရှိတိုင်းလည်းတန်ဖိုးမရှိပါဘူး... ဒါဆိုရင် ကျော်ကြားမှုလား... အောင်မြင်မှုလား... အဲ့ဒါလည်းမဟုတ်ဘူးလို့ထင်ပါတယ်... "သူကနာမည်သာကြီးနေတာလေ... အလကားအဖိုးမတန်ပါဘူး..." အဲ့လိုလည်းဆိုခံရပြန်ပါတယ်... ဒါဆိုရင် ပညာလား... "ပညာတွေကတော့ တတ်ပါရဲ့ တန်ဖိုးမရှိပါဘူး..." အဲ့လိုလည်းဝေဖန်ခံနေရတဲ့သူတွေရှိနေပါသေးတယ်.... ဒီလိုတန်ဖိုးသတ်မှတ်တဲ့စကားတွေဟာ လူတွေရဲ့မနာလိုဝန်တိုစိတ်ကနေ ဖြစ်လာတာပါလို့ ကောက်ချက်ချလို့လည်းမရသေးပါဘူး... ချမ်းသာတဲ့သူ ထင်ရှားကျော်ကြား အောင်မြင်တဲ့သူ ပညာထူးချွန်တဲ့သူတွေကို တန်ဖိုးရှိတဲ့သူအဖြစ် သတ်မှတ်ခံရတာလည်း ရှိကြပါတယ်...

အဲ့ဒီတော့ လူတစ်ယောက်ရဲ့တန်ဖိုးကို တခြားသူတွေက ဘာနဲ့သတ်မှတ်ကြပါသလဲ... အများစုကတော့ အဲ့ဒီလူရဲ့ စိတ်နေသဘောထား၊ ကိုယ်ကျင့်တရားနဲ့ ရိုးသားမှုအပေါ်မှာပဲ အခြေခံသတ်မှတ်ကြတာပဲဖြစ်ပါတယ်... အတ္တပရမျှတတဲ့ စိတ်ထားရှိရမယ်... မှန်ကန်ဖြောင့်မတ်တဲ့ ကိုယ်ကျင့်တရားရှိရမယ်... ရိုးသားပွင့်လင်းမှုရှိရမယ်ဆိုရင် အဲ့ဒီလူဟာ တန်ဖိုးရှိတဲ့သူတစ်ယောက်ပါပဲ... ခုနကပြောခဲ့သလို ငွေကြေးချမ်းသာမှု၊ ထင်ရှားကျော်ကြားမှု၊ ပညာထူးချွန်တတ်မြောက်မှုတွေ မရှိတာတောင်မှ ကိုယ်ကျင့်တရားကောင်းမွန်တဲ့သူ၊ စိတ်သဘောထားကောင်းတဲ့သူ၊ ရိုးသားတဲ့သူတွေကို လူတွေက တန်ဖိုးထားကြပါတယ်... အရာရာပြီးပြည့်စုံနေတဲ့သူတွေဆီမှာ ဒီလိုအချက်အလက်တွေပါရှိနေမယ်ဆိုရင်တော့ လူ့လောကရဲ့ တကယ့်ရတနာတွေအဖြစ် သတ်မှတ်ခံရမှာမလွဲပါဘူး... ကိုယ့်ခန္ဓာကိုယ်ကိုဘယ်လိုပဲ တန်ဖိုးရှိတဲ့ အရာတွေနဲ့ ခြယ်သပြင်ဆင်ထားပေမဲ့ စိတ်ထားကိုမပြင်နိုင်ရင်တော့ တန်ဖိုးရှိတဲ့လူတစ်ယောက် မဖြစ်လာနိုင်ပါဘူး... အပေါ်ယံပကာသနတွေနဲ့ လူတွေကိုဖုံးလွှမ်းပြီးလှည့်စားထားရင်လည်း ရေရှည်ရပ်တည်နိုင်ဖို့ကမလွယ်ပါဘူး... အခုလိုခေတ်မျိုးမှာဆို ပိုသိသာပါတယ်... မဟုတ်တာတစ်ခုလုပ်လိုက်ရင် သိပ်မကြာခင်မှပဲ ဟိုးလေးတကျော်ကျော်ဖြစ်သွားပါတော့တယ်... လူတစ်ယောက်ရဲ့တန်ဖိုးကို အချိန်လေးတစ်ခုအတွင်းမှာပဲ ဆုံးဖြတ်နိုင်အောင် အချက်အလက်တွေက အလွယ်တကူရရှိနိုင်ပါတယ်... အချိန်နဲ့အမျှ အဲ့ဒီလူရဲ့ တန်ဖိုးကို အများက သတ်မှတ်ပေးသွားကြမှာပါပဲ... အဲ့တော့ ကျွန်တော်တို့အနေနဲ့ တန်ဖိုးရှိတဲ့ သူတစ်ယောက်ဖြစ်ဖို့ဆိုရင် စိတ်သဘောထားကောင်းမွန်ဖို့... ကိုယ်ကျင့်တရားကောင်းမွန်ဖို့... ရိုးသားမှုရှိဖို့... မလွဲမသွေလိုအပ်ကြောင်း ဆွေးနွေးရေးသားလိုက်ရပါတယ်...
-------------------------------
#နှိုင်းရင့်နွေ